balaton-service.info - Das Forum für Ungarn

balaton-service.info - Das Forum für Ungarn / Virtueller Stammtisch / Vereinigung der Spaßfrontler / Ham Sie alle a Hobby? Ja?
In diesem Thread befinden sich 1 Posts.

8711 Posts - Magyar Vagyok
Kocsis

Ham Sie alle a Hobby? Ja?

Und wenn ja, was für eins? Aha! Kennen Sie eigentlich einen bayerischen Ausdruck für Hobby? Naa, gell! Den gibt’s nämlich net! Und warum? Sie, des kann i eahna scho sag’n, warum: Weil ma früher von da Früh bis auf d’ Nacht g’arbeit hat und dann is ma ins Bett neig’falln. Da hast koa Hobby mehr braucht! Da warst froh, dass du dei Ruah g’habt hast! Also hat’s aa koa Wort dafür gebn!

Heit is des anders. Heit arbeit’ man höchstens 35, die ganz Blöden vielleicht 38 und die, die vor Blödheit grad no boußen (krachen), 40 Stunden in da Woch, oder? Hab i net recht?

Wievui Stunden hat eine Woche? 7 x 24! 168, oder? Ziehen wir amoi 40 Stunden Arbeit ab, bleib’n 128, wenn ma vui schlafen, schlaf’ ma 56 Stunden, dann bleiben also 72 Stunden in der Woch übrig!

72 Stunden, die muaßt erst amoi verplanen! Also hat ma was braucht, weil direkt dafei’n mag ma ja aa net! Aber ordentlich wia der Deitsche is, bevor er was duad, braucht er erst amoi an Namen dafür, des hoaßt eigentlich braucht er an Namen für’s,…..ja wia soll i sag’n? Für’s nix doa. Oder für’s fast nix doa! Weil z. B. reiten, fischen, Fuaßball is ja eigentlich aa net direkt „nixdoa.“ Da duast ja aa was. Wennst gar nix dabei daat’st, dann kannt ma ja sag’n, „was hast’n du für a Nixdoa?“ „I?

Briafmarken sammeln!“ Klingt blöd. Oder? Außerdem sogar beim
Briafmarkensammeln bewegst di, wenn aa ziemlich langsam.

Also müassert ma richtigerweise sag’n, was hast’n du für a Fastnixdoa? Klingt no bläder!

Was duat da der Deitsche? Wenn er net woaß, wia er sag’n soll? Wenn er a neues Wort braucht? Er schaut auf Amerika ume und auf oamoi is ois ganz oafach!

Zu da blaua Hos’n, sagt er auf oamoi Jeans!

Zum Fleischpflanzl: Big Mac!

Zu „des geht klar“: o.K.

Und zu Leck mi am Arsch: fucking!

Ja und zum fast nix doa: Da sagt er dann Hobby!

Hoit, oans fallt mir no ei: Wenn der Bayer net Hobby sag’n daat, dann daat der Bayer schaun, was der Preiß sagt. Der sagt Steckenpferd! Die ham scho länger ein Wort dafür, weil die scho länger nix dean ois wir. Aber bevor wir Steckenpferd sag’n daat’n, bleiben wir liaba beim Hobby.

Mark Twain sagte einmal:
"Eine Lüge ist bereits dreimal um die Erde gelaufen, bevor sich die Wahrheit die Schuhe anzieht."